9 may – Xotira va qadrlash kuniga bag‘ishlab Toshkent shahrida bayram salyuti otilishi ma’lum bo‘ldi. Bu haqida Mudofaa vazirligi matbuot kotibi AOKAda o‘tkazilgan brifingda xabar qildi.

Qayd etilishicha, vazirlik tomonidan sana munosabati bilan frontdan kelgan maktublarni jamlagan «Askar maktublari» hamda «Vatan fidoyilari» kitoblarining nusxalari  tayyorlangan bo‘lib, ularni bayram arafasida nashrdan chiqarish ko‘zda tutilgan.

Bundan tashqari, «Gʻalaba bog‘i» yodgorlik majmuasida , «Vatan uchun jon fido qilganlar yodi mangu barhayot» nomli ekspozisiya yaratilgan. Mazkur ekspozisiya orqali Ikkinchi jahon urushida bir oilaning ikki va undan ortiq qatnashgan farzandlari yod etiladi.

 Ma’lum qilinishicha, bayram salyuti poytaxtimizda 9 may kuni soat 21:00 atrofida tashkil etiladi.