Bugun Alisher Navoiy nomidagi milliy kutubxonaning orqa maydonida "Tashkent Flower Fest" gullar festivali boshlandi. Oyina.uz muxbiri mazkur hududda bo‘lib, manzaralarni suratga muhrladi.

Maydonni bezash uchun 1 milliondan oshiq tabiiy hamda o‘n mingga yaqin sun’iy gullardan foydalanilgan.

Bu yerda yapon sakurasi, Madagaskar baobobi vhamda o‘zbek chinorining sun’iy nusxalari, shuningdek “Yangi O‘zbekiston” bog‘ida qad ko‘targan stela shaklidagi minora ham o‘rnatilgan.

Hududda bolalar uchun ko‘ngilochar maskanlar, fudkortlar, ko‘plab foto va selfi uchun maydonchalar tashkil etilgan.

Bundan tashqari, xonadon va landshaft o‘simliklari, dala-hovli mebel jihozlarining ko‘rgazmasi bo‘lib o‘tmoqda.

Festival 8-mayga qadar davom etadi.