Ijtimoiy tarmoqlarda Prezident Shavkat Mirziyoyevning surati tushirilgan oltin tangalar rasmlari tarqalishi yuzasidan Markaziy bank quyidagilarni ma’lum qiladi.

O‘zbekiston Respublikasi Markaziy banki tomonidan yubiley sanalari, tarixiy va zamonaviy davrning muhim  voqealariga bag‘ishlangan qimmatbaho metallardan tayyorlangan tangalar muomalaga chiqarilib, ular to‘g‘risidagi ma’lumotlar Markaziy bankning rasmiy veb-saytiga joylashtirilib kelinadi.

Bugungi kunda Markaziy bank tomonidan Prezident shaxsiga bag‘ishlangan qimmatbaho metallardan tayyorlangan tangalar yoki banknotlar muomalaga chiqarilmaganini bildiramiz, deyiladi xabarda.