O‘zbekiston-Qirg‘iziston chegarasida uch kishi halok bo‘lgani bo‘yicha xabar tarqalmoqda.

Unga ko‘ra, O‘zbekiston chegarachilari 5 may kuni Qirg‘izistonning uch fuqarosiga qarshi qurol ishlatgan. Bu haqida mahalliy OAV Qirg‘iziston Milliy xavfsizlik davlat qo‘mitasi chegara xizmatiga asoslanib xabar bergan.

Hodisa Jalolobod viloyati, Ola-Buqa tumani, Aktam MFYning Doboqo‘rg‘on massivida sodir bo‘lgan. Uch nafar qirg‘izistonlik o‘qdan jarohat olgan, ular Ola-Buqa tumanidagi shifoxonaga yetkazilgan. Bemorlar o‘sha yerda hushlariga kelmay vafot etdilar, deyiladi xabarda.

Ikki davlat chegara vakillari vaziyatga oydinlik kiritish maqsadida uchrashuv o‘tkazgan. Hodisa yuzasidan tezkor tekshiruv tadbirlari boshlangan.