Oʻzbekistonda soʻnggi 80 yilda ilk bor Ayiqtovon turkumiga kiruvchi yangi tur kashf etildi. Bu haqida Fanlar akademiyasi matbuot xizmati xabar berdi.

Maʼlum qilinishicha, ushbu noyob tur OʻzR FA Botanika instituti olimlari tomonidan Surxondaryo viloyatining Boysun togʻlaridan topilgan. Yangi turga “Ranunculus tojibaevii” deb nom berilgan.

Ta'kidlanishicha, Oʻzbekiston florasida Ayiqtovon (Ranunculus) turkumga mansub boʻlgan mazkur turkumga kiruvchi eng oxirgi yangi tur 1941-yilda aniqlangan boʻlib, “Ranunculus vvedenskyi” deb nomlangan.