Bir necha kundan buyon tinimsiz yogʻayotgan yomgʻir sabab Margʻilon shahar Guravel MFY hududida joylashgan Safed toʻda masjidi devorining bir qismi qulab tushdi. Bu haqida Fargʻona viloyat madaniy meros boshqarmasi xabar berdi.

Qayd etilishicha, holat yuzasidan viloyat madaniy meros boshqarmasi xodimlari tomonidan ishchi guruh tuzilgan.

Ayni vaqtda masʼullar masjid binosini oʻrganish va uning qolgan qismini asrab qolish uchun chora-tadbirlar koʻrishmoqda. 

Avvalroq, Buxoro shahridagi “Talipoch qalʼa darvozasi” chap tomonidagi qalʼa devorining bir qismi qulab tushgani haqida xabar berilgan edi.