Ijtimoiy tarmoqlarda “bolalari bor har bir oilaga 650 000 soʻmdan byudjetdan pul ajratilishi” haqidagi xabarlar tarqalmoqda.

Qayd etilishicha, bunday xabarlar Oʻzbekiston Respublikasi Prezidenti rasmiy sayti – www.president.uzga oʻxshash soxta veb-sayt havolasi (www.president-uz.link) orqali tarqatilmoqda. Ushbu feyk havolaga oʻtgan fuqarolardan esa shaxsga doir hamda plastik karta toʻgʻrisidagi maʼlumotlarni kiritish soʻraladi.

Taʼkidlanishicha, ushbu xabarlar soxta boʻlib, fuqarolardan bu kabi saytlarga kirmaslik, firibgarlarga aldanmaslik soʻralgan. Eslatib oʻtamiz, aholi oʻrtasida yolgʻon axborot tarqatganlik uchun javobgarlik mavjud.