Asaka tumanida fuqaro qalbaki 100 millionni 57 million soʻmga sotayotganda ushlandi. Bu haqida Bosh prokuratura huzuridagi Departament axborot xizmati xabar berdi.

Qayd etilishicha, Departament hamda DXXning Andijon viloyati boshqarmalari tomonidan oʻtkazilgan tezkor tadbirda, fuqarolar A.A., X.R. va boshqalar A.K. va X.N.ga 2 000 dona qalbaki 50 000 soʻmlik kupyuralarni 57 million soʻmga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) bilan jinoyat ishi qoʻzgʻatilib, tergov harakatlari oʻtkazilmoqda.