Bolgariyaning Sofiya shahrida “kichik jahon chempionati” sifatida eʼtirof etiladigan “Stanja” xalqaro turnirida Oʻzbekiston terma jamoasi umumjamoa hisobida birinchi oʻrinni qoʻlga kiritdi.

Bugun Islom Karimov nomidagi Toshkent xalqaro aeroportida musobaqada ishtirok etgan charm qoʻlqop ustalarini kutib olish marosimi boʻlib oʻtdi.

Unda Sportni rivojlantirish vaziri oʻrinbosari Shahrillo Mahmudov, Milliy olimpiya qoʻmitasi Bosh kotibi Oybek Kasimov, Oʻzbekiston boks federatsiyasi mutasaddilari, muxlislar va OAV vakillari ishtirok etgan.

Terma jamoa hammasi boʻlib 6 ta oltin, 1 ta bronza medalini qoʻlga kiritgan:

Oltin:

-51 kg: Hasanboy Doʻsmatov

-57 kg: Abdumalik Xalakov

-63,5 kg: Mujibillo Tursunov

-80 kg: Odiljon Aslonov

-92 kg: Madiyar Saidrahimov

+92 kg: Lazizbek Mullojonov

Bronza:

-52 kg: Tursunoy Rahimova