24-aprel kuni tashkil etilgan o‘zbek tilini bilish darajasini aniqlash imtihonida qatnashgan Xitoy Xalq Respublikasi fuqarosi Li Huiting bilan uchrashuv o‘tkazilib, imtihon jarayonlari hamda o‘zbek tilini o‘rganish tajribasi yuzasidan fikr-mulohazalar almashildi.

Bilim va malakalarni baholash agentligi huzuridagi Ilmiy-o‘quv amaliy markazining ma’lum qilishicha, imtihon natijalariga ko‘ra, talabgorga o‘zbek tilini bilish darajasini tasdiqlovchi B1 darajadagi malaka sertifikati topshirilgan.

Ta’kidlanishicha, Li Huiting imtihonning xalqaro standartlarga mos ravishda tashkil etilgani hamda baholash tizimining shaffofligi haqida ijobiy fikr bildirgan.