O‘zbekiston Fanlar akademiyasi Genomika va bioinformatika markazi tomonidan pomidor-vaksina yaratildi. Yeyiladigan vaksinalar ustida tajribalar dunyo bo‘yicha o‘tgan asrdan boshlangan bo‘lib, hozir ham davom etmoqda.

Masalan, emlanish tajribasi Rossiya va Kanadada sut, jo‘xori mahsulotlari orqali sinovdan o‘tkazilgan. Bizda parvarishlanayotgan ushbu pomidorlar ikki oydan so‘ng pishib yetiladi. Uni iste’mol qilgan kishi koronavirusga qarshi emlangan hisoblanadi.

Pomidor-vaksinaning bir qator afzalliklari mavjud: og‘riq bo‘lmaydi, nojo‘ya ta’sirlari nisbatan kam, uyda qabul qilish mumkin, ishlab chiqarish arzonga tushadi. Pomidor oshqozonga tushgach, undagi hujayralar parchalanadi va antigen hosil bo‘ladi. Bu yo‘lda izlanishlar davom etmoqda.