Boysunlik hunarmand Maftuna Azizova boshchiligidagi toʻquvchi qizlar 6 oy davomida 25 metr uzunlikdagi gilamni toʻqib bitkazishdi.

Mutaxassislarning aytishicha, tuya junidan toʻqilgan ushbu gilam issiqlik saqlaydi, elektr tokini oʻtkazmaydi, gard yuqtirmaydi, uzoq vaqt toza saqlanadi. Shuningdek, inson tanasi chiqaradigan xavfli moddalarni ham zararsizlantirish xususiyatiga ega.

25 metrlik gilam bugungi kunda yoʻqolib ketgan naqshlar bilan bezatilgan. Uning xom-ashyosi, boʻyoqlari tabiiy mahsulotlardan iborat boʻlgani uchun YUNESKOning Butunjahon hunarmandchilik kengashi (WCC)ning sifat belgisi sertifikati bilan taqdirlandi.

Nargiza Rahmatullayeva,

Respublika Maʼnaviyat va maʼrifat markazi

Surxondaryo viloyat boʻlimi rahbari