IIV Qorovul qoʻshinlari ansambli boshligʻi, katta leytenant Davronbek Abdusalomov Qozogʻistonda oʻtkazilayotgan “Central asiaʼs got talent” shousida ishtirok etdi. Bu haqida vazirlik axborot xizmati xabar berdi.

Davronbek Abdusalomov Luchano Pavarotti repertuaridan “Karuzo xotirasiga” qoʻshigʻini ijro etgan. Ishtirokchining ijrosini 3 ta hakam ham tasdiqlagan va u yarim finalga yoʻllanmani qoʻlga kiritgan.

Eslatib oʻtamiz, “Central asiaʼs got talent” shousi Markaziy Osiyo isteʼdodlarini kashf qiluvchi shou-tanlovi. Unda Oʻzbekiston, Qirgʻiziston, Qozogʻiston va Tojikistondan kelgan nomzodlar oʻz isteʼdodlarini namoyish etadi.