Oʻzbekistonning 2021–2022-yillarda Shanxay hamkorlik tashkilotiga raisligi doirasida 80dan ortiq turli darajadagi tadbirlar oʻtkazilishi rejalashtirilgan. Shunday tadbirlardan biri 2022-yil 27-mart kuni Toshkent shahrida boʻlib oʻtadigan SHHT xalqaro yarim marafonidir. Mazkur tadbir doirasida “Navroʻz” umumxalq bayramiga bagʻishlangan IV xalqaro Toshkent yarim marafoni tashkil etiladi.

Ushbu sport tadbiri 2016-yildan boshlab har yili tashkilotga aʼzo davlatlar sportchilari ishtirokida oʻtkazib kelinmoqda.

Poytaxtimizda oʻtkazilishi kutilayotgan yarim marafon dasturi ikki masofani oʻz ichiga olgan boʻlib, ishtirokchilar – 3 km va 21,0975 km masofaga yugurib, kuch sinashadi.

Yarim marafon marshruti poytaxtimizdagi Afrosiyob va Beshyogʻoch koʻchalari chorrahasidan boshlanib, Nukus, Abdulla Qodiriy, Abay koʻchalari orqali davom etadi.