Prezident tomonidan imzolangan Qonun bilan Jinoyat kodeksining 132-moddasiga kiritilgan oʻzgartirishlarga koʻra, davlat muhofazasiga olingan moddiy madaniy meros obyektlarini nobud qilish, buzish yoki ularga shikast yetkazish:

takroran yoki xavfli retsidivist tomonidan;

koʻp miqdorda zarar yetkazgan holda;

bir guruh shaxslar tomonidan oldindan til biriktirib sodir etilgan boʻlsa, 5 yilgacha ozodlikdan mahrum qilish jazosi qoʻllanishi mumkin.

Oʻsha harakatlar juda koʻp miqdorda zarar yetkazgan holda sodir etilsa, 7 yilgacha ozodlikdan mahrum qilish bilan jazolanadi.

Qonun bilan Maʼmuriy javobgarlik toʻgʻrisidagi kodeksga kiritilgan qoʻshimchalarga koʻra, Madaniy meros agentligi va uning hududiy boshqarmalari koʻrsatmalarini bajarmaganlik uchun maʼmuriy javobgarlik belgilandi.

Ushbu huquqbuzarlikni sodir etganlik:

fuqarolarga BHMning 3 baravarigacha (810 ming soʻmgacha);

mansabdor shaxslarga esa 5 baravarigacha (1 mln 350 ming soʻmgacha) miqdorda jarima solishga sabab boʻladi.