Marhamat tumanidagi oʻqituvchilarning ota-onalar oldida uzr soʻrashga majbur qilingani boʻyicha Marhamat tumanidagi 72-IDUM direktori va tuman XTB mudiriga chora koʻrilgan. Bu haqida vazirlik axborot xizmati xabar berdi.

Qayd etilishicha, vazirning oʻqituvchilar bilan oʻtkazgan bevosita suhbat natijalariga koʻra, maktab direktori hamda Marhamat tumani xalq taʼlimi boʻlimi mudiri lavozimidan ozod etilgan.

Avvalroq, ushbu holat sabab tuman hokimining yoshlar masalalari boʻyicha oʻrinbosari lavozimidan ozod qilib, tuman hokimiga “Hayfsan” intizomiy jazosi belgilangani xabar qilingandi.