Avvalroq Oʻzbekiston uchuvchisiz samolyotlarni sotib olishi haqida xabar berilgan edi. Mudofaa vazirligi matbuot xizmati ushbu xabar yuzasidan rasmiy munosabat bildirdi.

Qayd etilishicha, Oʻzbekiston qurol-yarogʻ va harbiy texnika xalqaro bozorini doimiy ravishda kuzatib boradi. Ammo Oʻzbekistonda uchuvchisiz uchish apparatini sotib olish masalasi koʻrilmagan.

“Hech kimga sir emaski, amerikalik uchuvchisiz uchish apparatlari ishlab chiqaruvchilari bu borada yetakchilardan biri hisoblanadi, shuning uchun ham Oʻzbekistonlik mutaxassislar tomonidan ularga maʼlum qiziqish bildirilmoqda, biroq bugungi kunga qadar «PUMA – RQ 20” uchuvchisiz uchish apparatini sotib olish masalasi koʻtarilmagan», deyiladi xabarda.