Respublika taʼlim muassasalariga oʻqishga qabul qilish boʻyicha Davlat komissiyasining tegishli qaroriga muvofiq,  2021/2022 oʻquv yilida oliy va professional taʼlim muassasalari talaba va oʻquvchilar oʻqishi uchun  kontrakt miqdorini toʻlashning soʻnggi muddati 2022-yilning 1-marti etib belgilandi. Bu haqida oliy va oʻrta maxsus taʼlim vazirligi xabar berdi.

 Ushbu muddat quyidagilar:

toʻlov-kontrakt asosida oliy taʼlim muassasalariga talabalikka (magistratura, bakalavr) tavsiya etilganlar;

 toʻlov-kontrakt asosida professional taʼlim muassasalari (texnikum, kollej)ga oʻquvchilikka tavsiya etilganlar;

tabaqalashtirilgan toʻlov-kontrakt asosida talabalikka tavsiya etilganlar;

 oʻqishi koʻchirilgan (koʻchirib tiklangan) va qayta tiklangan talabalar uchun amal qiladi.