Prezident “2022–2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi farmonni imzoladi.

Maʼlum qilinishicha, qabul qilingan farmon loyihasi boʻyicha 16,7 mingdan ortiq takliflar kelib tushgan. Ularni har tomonlama koʻrib chiqish yakuniga koʻra, hujjatga qariyb 100 ta konseptual hamda 200 dan ortiq aniqlashtiruvchi tahririy oʻzgartirish va qoʻshimchalar kiritilgan.

Farmonda Oʻzbekistonni keyingi 5 yilda rivojlantirishning 7 ta ustuvor yoʻnalishi doirasida 100 ta maqsadlarga erishishga qaratilgan va 2022-yilda amalga oshirilishi lozim boʻlgan 398 ta chora-tadbirlar nazarda tutilmoqda.

Rejalashtirilayotgan chora-tadbirlarni moliyalashtirishga 2022-yilda umumiy qiymati 55 trln soʻm va 11,7 mlrd dollar miqdoridagi mablagʻlar koʻzda tutilmoqda.