Maktab taʼlimini rivojlantirish masalalari yuzasidan boʻlib oʻtayotgan videoselektor yigʻilishida davlatimiz rahbari maktab taʼlimi tizimidagi kamchilik va muammolarni sanab oʻtdi.

Bugungi kunda respublika boʻyicha 1 ming 695 ta maktab mukammal taʼmirga muhtojligi, hanuzgacha 179 ta paxsadan qurilgan maktab mavjudligi, 3 mingdan ziyod maktab uchun qoʻshimcha oʻquv binolari zarurligi tanqid qilindi.

Bundan tashqari:

- yangi massivlar barpo etilishi, qishloq infratuzilmasi kengayishi va aholi oʻsishi natijasida yana 270 ta maktab qurishga ehtiyoj bor;

- hozirda 2,3 mingta maktabning sport zali mavjud emas;

- taʼlim sifati past boʻlgan 84 ta maktabning birorta oʻquvchisi oʻtgan yili oliygohga kirmagan;

- maktab kutubxonalaridagi kitob fondi yillar davomida yangilanmagan;

- milliy musiqa anjomlari atigi 615 ta maktabda mavjudligi aytildi.