Oʻzbekistondagi maktabgacha taʼlim tashkilotlari yopilmaydi va odatdagidek oʻz ish faoliyatini davom ettiradi. Bu haqida Maktabgacha taʼlim vazirligining axborot xizmati maʼlumot berdi.

“Bogʻchalarni yopish hozircha rejalashtirilmagan. Agar biror-bir bogʻchada koronavirus aniqlansa, oʻsha bogʻchaning oʻzini karantinga olish belgilangan”, – deyiladi vazirlik matbuot xizmati xabarida.

Taʼkidlanishicha, Respublika maxsus komissiyasi maktabgacha taʼlim tashkilotlarining ham faoliyatini vaqtincha toʻxtatib turish boʻyicha qaror qabul qilsagina, bogʻchalar yopilishi mumkin.