Iqtisodiyot va moliya vazirligi “Ochiq budjet” portalida “Tashabbusli budjet” jarayonining 2026-yilgi 1-mavsumi g‘olib loyihalari e’lon qildi.

Xabarga ko‘ra, jarayonlarda mamlakat bo‘ylab jami 10 mln 284 mingta ovoz berilgan. Ovoz berish jarayoni yakunlariga koʻra, jami 1 996 ta (1 980 ta an’anaviy hamda 16 ta sheriklik) loyiha g‘olib deb topilgan.

“Jarayonlarda ishtirok etgan barcha fuqarolarga minnatdorlik bildirgan holda “Tashabbusli budjet” loyihasining keyingi mavsumlarida ham faol bo‘lishingizni so‘rab qolamiz”, deyiladi xabarda.

G‘olib bo‘lgan loyihalar bilan shu yerda tanishishingiz mumkin.