«Taxtaqoracha» dovonida avtotransport vositalarining harakati vaqtincha toʻxtatildi. Bu haqida Yoʻl harakati xavfsizligi xizmati xabar bermoqda.

Maʼlum qilinishicha, Samarqand va Qashqadaryo viloyatlarini bogʻlovchi «Taxtaqoracha» dovonida koʻp miqdorda qor yogʻgani sababli turli koʻngilsiz hodisalarning oldini olish maqsadida avtotransport vositalarining harakati vaqtincha toʻxtatildi.

Ayni vaqtda yoʻllarni qordan tozalash, muzlamalarni bartaraf qilish maqsadida qum-tuz aralashmasini sepish ishlari amalga oshirilmoqda.