O‘zbekiston Respublikasi Prezidenti Shavkat Mirziyoyev rafiqasi hamrohligida amaliy tashrif bilan AQShga keldi. Bu haqda Prezident matbuot xizmati xabar berdi.

Ma’lum qilinishicha, “Endryus” aviabazasida davlat rahbarini AQSh-O‘zbekiston savdo palatasi raisi Kerolin Lemm, Missisipi shtati Milliy gvardiyasi birlashgan shtabi qo‘mondoni Djeyms Xenkins va boshqa rasmiy shaxslar, Vashingtonda ajratilgan qarorgohda esa AQSh Prezidentning maxsus vakili Paolo Zampolli kutib oldi.

AQShga tashrif doirasida Prezident Tinchlik kengashining birinchi sammiti va bir qator ishbilarmonlik tadbirlarida ishtirok etadi.