Oʻzbekiston Respublikasi Prezidentining qarori bilan Hilola Oʻktamovna Umarova Maktabgacha va maktab taʼlimi vazirining pedagogik taʼlimni rivojlantirish masalalari boʻyicha oʻrinbosari – Nizomiy nomidagi Oʻzbekiston milliy pedagogika universiteti rektori lavozimiga tayinlandi.

Hilola Umarova 2020-2022-yillarda Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi direktori sifatida ishlagan, 2022-yildan Maktabgacha va maktab taʼlimi vazirligini boshqargan. 2025-yil iyul oyida Prezident Administratsiyasi rahbari oʻrinbosari etib tayinlangandi.