Jizzax viloyati hokimligida o'tkazilgan yig'ilishda tashkiliy masala ko'rildi, deb xabar berdi hokimlik.

O'zbekiston Respublikasi Prezidentining 2025-yil 2-dekabrdagi viloyatga tashrifida investitsiya va eksport yo'nalishlarida yangi tizim joriy qilish topshirig'i berilgan edi. 

Topshiriqqa muvofiq, viloyat hokimligining yangi tashkiliy tuzilmasiga ko'ra:

Yusupov Baxrom Muzafarovich - Jizzax viloyati hokimining tog'li hududlar va yaylovlarni rivojlantirish, investitsiya va savdo masalalari bo'yicha o'rinbosari lavozimiga tayinlandi. Tayinlovga qadar u Investitsiyalar, sanoat va savdo vazirligida bo'lim boshlig'i lavozimida faoliyat yuritib kelgan.

Egamov Bekzod Abduvaliyevich - Jizzax viloyati hokimining dasht va cho'l hududlarda sanoatni rivojlantirish, investitsiya va savdo masalalari bo'yicha o'rinbosari lavozimiga tayinlandi. Tayinlovga qadar Investitsiyalar, sanoat va savdo vazirligida bo'lim boshlig'i lavozimida faoliyat yuritib kelgan.