Respublika Ma’naviyat va ma’rifat markazi huzuridagi Ijtimoiy-ma’naviy tadqiqotlar instituti hamda “Vatandoshlar” jamoat fondi bilan hamkorlikda “Vatanparvar oyligi” doirasida onlayn tadbir tashkil etildi.

Anjumanda O‘zbekiston  Respublikasining xorijiy davlatlardagi diplomatik vakolatxona vakillari, 200 ga yaqin vatandoshlar hamda ularning jamoat birlashmalari rahbarlari, siyosiy arboblar, san’at va madaniyat xodimlari, ommaviy axborot vositalari xodimlari ishtirok etdi.

Jarayon fondning Facebook ijtimoiy tarmog‘idagi sahifasi orqali to‘g‘ridan-to‘g‘ri havola etildi. Tadbir avvalida “Vatandoshlar” jamoat fondi boshqaruv raisi O.Sattorov so‘zga chiqib, yurtimiz sarhadlarida xizmat qilayotgan mard, fidoyi o‘g‘lonlarni, xorijdagi vatandoshlarni O‘zbekiston Respublikasi Qurolli Kuchlari tashkil etilganining 30 yillik shodiyonasi hamda Vatan himoyachilari kuni bilan samimiy qutladi.       

Tadbir yakunida xorijda mehnat qilayotgan va tahsil olayotgan vatandoshlarimiz  o‘z bayram tabriklarini yo‘lladilar.