Islom Abdug‘aniyevich Abdurahmonov “O‘zbekgidroenergo” AJ boshqaruvi raisi lavozimiga rasman tayinlandi.

U mazkur tashkilotning sobiq rahbari Abdug‘ani Sanginovning o‘g‘li hisoblanadi.

Ma’lumot uchun, Islom Abdurahmonov muqaddam “To‘palang HPD water construction” UKning yagona ta’sischisi bo‘lgan “To‘palang HPD HOLDING” MCHJga rahbarlik qilgan va holding ulushining katta qismi – 61,70 foizi unga tegishli edi.

O‘z navbatida, “To‘palang HPD water construction” kompaniyasi 2020 yil mayida o‘pirilish ro‘y bergan Sardoba suv ombori qurilishida qatnashgan 10 dan ziyod subpudratchilardan biri bo‘lgan.