Ayni paytda Shavkat Mirziyoyev poytaxtimizdagi “O‘zbekiston” xalqaro anjumanlar saroyida tadbirkorlar bilan ochiq muloqot o‘tkazmoqda.

Ko‘plab tadbirkorlar  yuqori sifat  va nazorat tizimiga ega mamlakatlar (Yevropa Ittifoqi, AQSh, Yaponiya, Janubiy Koreya)dan sertifikatlangan asbob-uskuna  va xomashyolarni olib kelganda milliy sertifikat olish talabi mavjudligiga e’tiroz bildirgan.

Prezident bir oy muddatda bunday davlatlar ro‘yxati shakllantirilib, ularda sertifikat berilgan asbob-uskuna va xomashyolarga  milliy sertifikat olish amaliyotini  bekor qilish bo‘yicha  qaror loyihasi ishlab chiqilishini aytdi.