Bugun, 15-noyabr kuni bo‘lib o‘tgan Oliy Davlatlararo kengashning ikkinchi yig‘ilishidan so‘ng O‘zbekiston va Qozog‘iston Prezidentlari yirik kooperatsiya loyihalarini ishga tushirish marosimida ishtirok etdi.

Unda bir qator loyihalarga start berildi.

Jumladan, “Markaziy Osiyo” Xalqaro sanoat kooperatsiyasi markazi va “Tenge Bank”ning Toshkentdagi yangi bosh ofisi ishga tushirildi.

Shuningdek, “Silkway Central Asia” ko‘p tarmoqli logistika markazi, chiziqli alkilbenzol ishlab chiqarish quvvatlari, Yangi Toshkentda “Ostona” mavzesi hamda poytaxtlarda “Toshkent” va “Ostona” mehmonxona majmualari qurilishi boshlandi.