Termiz shahridagi “Sanʼat saroyi” majmuasida oʻtkazilgan madaniy-maʼrifiy tadbirda Oʻzbekiston xalq shoiri Usmon Azim, Surxondaryo viloyati hokimi Ulugʻbek Qosimov, Oʻzbekiston Yozuvchilar uyushmasi raisi, xalq shoiri Sirojiddin Sayyid, viloyat ijodkorlari, mutasaddilar, yoshlar hamda jamoatchilik vakillari qatnashdi.

Viloyat hokimi atoqli shoirni Surxondaryo ahli nomidan tabriklab, uning asarlarida yurt goʻzalligi, xalq ruhi va milliy qadriyatlar chuqur ifoda etilganini taʼkidladi.

Ulugʻbek Qosimov hamda Yozuvchilar uyushmasi raisi Sirojiddin Sayyid shoirga Prezident sovgʻasi – Termiz shahridagi 3 xonali uy kalitini topshirdi!

Tadbirda yozuvchi va ijodkorlar, yoshlar hamda jamoatchilik vakillari shoir asarlaridan namunalar oʻqidi. Shu bilan birga, Usmon Azimning hayoti va ijodiga bagʻishlangan videolavhalar namoyish etildi.