O‘zbekistonlik yosh sportchilar Osiyo o‘yinlarida tarixiy natija qayd etib, ikkinchi o‘rinni egallashdi. Bu haqda olimpiya qo‘mitasi o‘z Telegram sahifasida e’lon qildi.

Bahraynda yakunlanayotgan yoshlar o‘rtasidagi Osiyo o‘yinlarida o‘zbekistonlik sportchilar 37 ta oltin, 16 ta kumush va 28 ta bronza medali (jami 81 ta medal) bilan umumjamoa hisobida Xitoydan keyingi ikkinchi o‘rinni qo‘lga kiritishdi.

Ushbu natija O‘zbekiston uchun tarixdagi eng yaxshisi bo‘ldi. Bungacha eng yaxshi natija avvalgi, II Osiyo o‘yinlarida qayd etilgan edi – 1 ta oltin, 2 ta kumush va 3 ta bronza.

Osiyo o‘yinlarida qit’aning 45 mamlakatidan 4 mingdan ortiq sportchilar medallar uchun kurash olib borishdi.