28-oktabr kuni Serbiya Respublikasi Prezidenti Aleksandr Vuchich O‘zbekistonga rasmiy tashrif bilan kelgan edi.

U prezident Shavkat Mirziyoyevni Strategik sheriklik to‘g‘risidagi shartnomani imzolash uchun 2026-yilning birinchi yarmida tashrif bilan Belgradga borishga taklif etdi. Muzokaralardan so‘ng Serbiya prezidentidan O‘zbekistonga amalga oshirayotgan rasmiy tashrifi xususida fikr olindi.

“U buyuk yetakchi. Men dunyoda hech kimni maqtamaydigan odamman, lekin aytishim kerakki, u oxirgi yillarda xalqi va mamlakati uchun qilgan ishlari tarix kitoblarida yoziladi. Men buni chin dildan aytyapman... Aytishim kerakki, u bilan uchrashuvim menda katta taassurot qoldirdi. Men prezidentingizdan ko‘p narsalarni o‘rgandim... U juda mehnatkash inson. Uning xalqi uchun qilgan mehnat darajasiga erisha olishimga ishonchim komil emas”, – deya ta’kidladi Serbiya prezidenti.