Bugun, 28-oktabr kuni Serbiya Respublikasi Prezidenti Aleksandr Vuchich O‘zbekistonga rasmiy tashrif bilan keldi. Bu haqda Prezident Matbuot xizmati xabar berdi.

Prezident Shavkat Mirziyoyev taklifiga binoan rasmiy tashrif bilan kelgan oliy martabali mehmon, Serbiya Respublikasi Prezidenti Ko‘ksaroy qarorgohida rasmiy kutib olindi. Qarorgohda ikki davlat madhiyalari yangradi. Harbiy orkestr sadolari ostida yetakchilar faxriy qorovul safi oldidan o‘tdi. Rasmiy delegatsiyalar a’zolarini qutladi.

Birgalikda suratga tushilgandan so‘ng davlat rahbarlarining delegatsiyalar ishtirokidagi muzokaralari boshlandi.