O‘zgidromet 3-5-oktabr kunlari Respublika bo‘ylab kuzatiladigan ob-havo maʼlumotlarini maʼlum qildi.

Bugun respublika hududining katta qismida yog‘ingarchilik kutilmaydi, faqat Farg‘ona vodiysi viloyatlarida ba’zi joylarda biroz yomg‘ir yog‘adi. Kun davomida respublikaning ayrim tog‘li hududlarida qisqa muddatli yomg‘ir yog‘ishi mumkin. Havo harorati +18…+23 daraja atrofida, janubda +25…+27 darajagacha bo‘ladi. Kunduzi cho‘l hududlarda, 4−5-oktabr kunlari shimolda va cho‘l hududlarda ba’zi joylarda shamol tezligi 13−18 m/s gacha kuchayishi, ayrim joylarda chang-to‘zonlar bilan kuzatilishi mumkin.

Dam olish kunlari O‘zbekiston bo‘yicha quruq ob-havo saqlanib turadi, harorat kunduz kunlari +20…+25 daraja bo‘ladi. Ayrim tog‘li hududlarda yomg‘ir yog‘adi.

Poytaxt Toshkentda havo biroz bulutli bo‘ladi, yog‘ingarchilik kutilmaydi. Shamol sharqdan 3−8 m/s tezlikda esadi. Harorat 3-oktabrda +20…+22 daraja, 4-oktabrda kechasi +10…+12 daraja, kunduzi +23…+25 daraja, 5-oktabrda kechasi +10…+12 daraja, kunduzi +21…+23 daraja bo‘ladi.