Oʻzbekiston va Ozarboyjon 20 yoshgacha boʻlgan futbolchilar oʻrtasidagi 2027-yilgi jahon chempionatiga mezbonlik qiladi. Bu haqda Oʻzbekiston futbol assotsiatsiyasi xabar berdi.

Ushbu qaror FIFA Kengashining navbatdagi yigʻilishida qabul qilingib, turnir FIFA tomonidan oʻtkaziladigan milliy terma jamoalar oʻrtasidagi jahon chempionatidan keyingi ikkinchi nufuzli musobaqa hisoblanadi.

Ayni paytda joriy musobaqa Chili maydonlarida oʻtkazilib, unda 24 ta jamoa bellashmoqda. Ular orasida Oʻzbekiston yoʻq. Oʻzbekiston bunday turnirga hali mezbonlik ham qilmagan.