Angliyaning Liverpul shahrida bo‘lib o‘tgan boks bo‘yicha jahon chempionatida O‘zbekiston terma jamoasi 11 medal – 6 ta oltin, 2 ta kumush, 3 ta bronza jamg‘ardi va umumiy hisobda 2-o‘rinni egalladi.

Umumjamoa hisobida 1-o‘rin Qozog‘istonga nasib qildi – 7 ta oltin, 1 ta kumush va 2 ta bronza (jami 10 ta).

3-o‘rinni esa Hindiston band qildi – 2 ta oltin, 1 ta kumush, 1 ta bronza (jami 4 ta).

Ma’lumot uchun, 60 davlatdan 500 dan ortiq bokschilar qatnashgan chempionatda O‘zbekiston terma jamoasi 18 nafar bokschi bilan qatnashgan.

Musobaqada g‘olib va sovrindor bo‘lganlar:

🥇Oltin medal:

-60 kg. Abdumalik Xalokov;

-65 kg. Asadxo‘ja Mo‘ydinxo‘jayev;

-75 kg. Fazliddin Erkinboyev;

-80 kg. Javohir Ummataliyev;

-85 kg. Akmaljon Isroilov;

-90 kg. To‘rabek Xabibullayev.

🥈Kumush medal:

-65 kg. Navbahor Hamidova;

+90 kg. Jahongir Zokirov.

🥉Bronza medal:

-48 kg. Sabina Boboqulova;

-51 kg. Feruza Kazakova;

-70 kg. Aziza Zokirova.