Shavkat Mirziyoyev yoshlarni kasb-hunarli qilib, doimiy daromad topishi uchun sharoit yaratish tashvishida ekanini, agar bu toʻgʻri yoʻlga qoʻyilsa, mahallada kambagʻal va ishsiz qolmasligini taʼkidladi. Bu haqda Prezident matbuot kotibi Sherzod Asadov xabar berdi.

Taʼkidlanishicha, Prezidentning Xitoyga tashrifi davomida energetika, geologiya, kimyo, transport, qishloq va suv xoʻjaligi sohalaridagi oʻnlab yirik kompaniya rahbarlari bilan 35 milliard dollarlik istiqbolli loyihalar paketi shakllantirilgan.

Loyihalar uchun texnologiyalar va xitoy tilini yaxshi biladigan minglab kadrlar kerakligi taʼkidlanadi. Kasbga oʻrgatishda Xitoy tajribasini joriy etish maqsadida har bir viloyatda 2 tadan “Oʻzbekiston – Xitoy ustaxonasi”ni tashkil qilish topshirildi.

Oliygoh, texnikum va maktablarda xitoy tilini oʻqitish maqsadida 100 dan ziyod til egalari va volontyorlar taklif qilinadi.