Oʻquvchilar tashabbuslarini qoʻllab-quvvatlash va “Kelajak” markazlari tizimini joriy etish maqsadida maktablarda yangi lavozim – maktab maslahatchisi tashkil etiladi. Bu haqda Maktabgacha va maktab taʼlimi vazirligi xabar berdi.

Bunda:

➖ maslahatchi maoshi maktab direktori oʻrinbosari maoshiga tenglashtiriladi;
➖ menejerlik sertifikatiga ega boʻlgan maslahatchilarga har oylik 30% qoʻshimcha ustama beriladi;
➖ maktablarda erp.portfolio platformasi yoʻlga qoʻyilib, oʻquvchilar portfoliosi yuritiladi va 2028–2029 oʻquv yildan shahodatnomalarda aks ettiriladi.