Shavkat Mirziyoyev Gurbanguli Berdimuhamedov taklifiga binoan 22-avgust kuni amaliy tashrif bilan Turkmanistonga jo‘nab ketdi. Bu haqda Prezident matbuot xizmati xabar bermoqda.

Davlat rahbari “Avaza” milliy turizm zonasida bo‘lib o‘tadigan “Ozarbayjon—Turkmaniston— O‘zbekiston” formatidagi sammit tadbirlarida ishtirok etadi. Tadbir kun tartibiga muvofiq, ko‘p tomonlama hamkorlikni, eng avvalo, savdo-iqtisodiy, transport-kommunikatsiya, energetika va gumanitar sohalarda rivojlantirish masalalari ko‘rib chiqiladi. Qator qo‘shma hujjatlar imzolanishi ko‘zda tutilgan.

Shavkat Mirziyoyev sammit doirasida ikki tomonlama muzokaralar ham o‘tkazadi.