O‘zbekiston delegatsiyasi Germaniyada bo‘lib o‘tayotgan XXXII Butunjahon yozgi Universiada o‘yinlarida o‘z ishtirokini yakunladi, deb xabar berdi O‘zbekiston milliy Olimpiada qo‘mitasi.

27-iyul kuni samarqandlik yengil atletikachi Sharifa Davronova oltin medalni qo‘lga kiritdi. U uch hatlab sakrash dasturida barcha ishtirokchilar orasida eng yuqori 14,33 metr natija ko‘rsatib, musobaqa g‘olibi bo‘ldi.

Shu tariqa delegatsiya 4 ta oltin, 4 ta kumush va 7 ta bronza medali bilan Universiada o‘yinlaridagi ishtirokini yakunladi.