Oʻzbekistonda nikohlar kamayib, ajrimlar ortib bormoqda. Bu haqda Statistika qoʻmitasining mamlakatdagi demografik holat boʻyicha xisobotida qayd etilgan.

Unga koʻra, Oʻzbekistonda 2025-yilning yanvar–iyun oylarida 23,3 mingta nikohdan ajralish holati qayd etilgan. Bu 2024-yilning mos davriga nisbatan 800 taga koʻp. Ajrimlarning 60,6% (14,1 ming) shaharlarda, 39,4% (9,2 ming) qishloq hududlarida kuzatilgan.

Eng koʻp ajrim holatlari Toshkent shahri (1,5 ming), Toshkent viloyati (1,2 ming) va Fargʻona viloyati (1,2 ming)da qayd etilgan. Eng kam ajrim esa Navoiy viloyatida — 310 ta.

2025-yilning birinchi yarmida 95,3 mingta nikoh qayd etilgan, bu oʻtgan yilning shu davriga nisbatan 2,1 mingtaga kam.