10-iyul kuniga rejalashtirilgan qog‘oz (paper-based) imtihonlar rejadagidek o‘tkaziladi, biroq 11-iyuldan boshlab faqat kompyuterda (computer-based) imtihon topshirish mumkin. Bu haqda IDP test markazi ma'lum qildi.

Imtixon uchun avvalroq ro‘yxatdan o‘tganlar imtihon shaklini "computer-based"ga o‘zgartirishi yoki to‘lovni to‘liq qaytarib olishi mumkin.

"British Council esa hozircha bu haqda e'lon qilmadi. Biroq unda ham qog‘oz variantdagi imtihon uchun ro‘yxatdan o‘tib bo‘lmayapti", deb yozadi huquqshunos Xushnudbek Xudoyberdiyev.

Unga kora, avvalroq O‘zbekistonda IELTS imtihonida tushadigan savollar to‘plami "tarqalib ketgani". Bunday holatlar keskin ortgani haqidagi xabarlar ortidan 7-iyun kuni imtihon topshirgan nomzodlarning natijalari qayta tekshirish uchun olib qolingan.