Oʻzbekistonning Isroildagi elchixonasi ushbu mamlakatda yuzaga kelagan vaziyat munosabati bilan vatandoshlarga bir necha tavsiyalar berdi.

Mamlakatda murakkab vaziyat vujudga kelayotganini eʼtiborga olib fuqarolarga oʻzining shaxsiy xavfsizlik choralarini koʻrishi va raketa otishmalari paytida boshpanalarni tark etmaslik tavsiya etildi.

Shuningdek, zaruriyatsiz koʻchaga va boshqa koʻngilochar joylarga bormaslik qoʻshimcha qilingan.

Elchixonaga oʻta zarur boʻlmagan hollarda konsullik xizmatlarini olish uchun kelishni vaqtincha toʻxtatib turish ham soʻralgan.

Elchixona konsullik boʻlimi ishonch telefonlari: 03-672-2466, 03-672-2371, 03-758-5075, 03-758-5076.

Favqulodda holatlarda va shoshilinch xabarlar uchun: +972 54 485 1397.