Oʻzbekistonda oliy taʼlim muassasalari talabalari, akademik litsey va hunar maktablari oʻquvchilari uchun taʼtil muddati 24-yanvargacha uzaytirilgani maʼlum qilindi.

Ijtimoiy tarmoq foydalanuvchilari oʻrtasida maktab oʻquvchilarining qishki taʼtilida ham uzaytirilish bor-yoʻqligi borasida savollar paydo boʻldi. Xalq taʼlimi vazirligi holatga izoh berdi.

Vazirlik matbuot kotibining soʻzlariga koʻra, maktab oʻquvchilarining taʼtil kunlari uzaytirilmaydi. Taʼtil 14 kalendar kun, yaʼni 2022-yil 10-yanvargacha davom etadi. III chorak 11-yanvardan boshlanadi.