Boʻstonliqda “Amirsoy polo cup 2022” nomli ot polo boʻyicha qordagi musobaqa tashkil etiladi. Bu haqida Toshkent viloyat hokimligi axborot xizmati xabar bermoqda.

Qayd etilishicha, musobaqa Oʻzbekiston polo federatsiyasi tomonidan 2022-yil 9-yanvarda oʻtkaziladi.

"Musobaqa oʻtkazilishidan maqsad Oʻzbekistonda ushbu sport turini ommalashtirish va ot polosini keng rivojlantirish uchun yangi istiqbollarni ochishdir", deyiladi xabarda,

Eslatib oʻtamiz, oʻtgan yili yanvar oyida ham  “Amirsoy Resort” togʻ majmuasida ot polosi boʻyicha musobaqalar oʻtkazilgan edi. Musobaqa 1 ming 820 metr balandlikda boʻlib oʻtgan va Oʻzbekistonning baland togʻli hududlarida oʻtkazilgan qor polosi boʻyicha jahon tarixidagi ilk musobaqa boʻlgan edi.