Urganch va Nukus shaharlari aeroportlarda kuchli tuman tufayli parvozlar kechiktirildi. Bu haqda Uzbekistan Airports matbuot xizmati xabar bermoqda.
 

Ma’lum qilinishicha, 3-dekabr kuni kechasi Urganch va Nukus aeroportlarida yomon ob-havo tufayli ko‘rish imkoniyati yomonlashgani bois samolyotlar uchish va qo‘nishni amalga oshira olmagan.
 

Qayd etilishicha, quyuq tuman tufayli Urganch aeroportida ko‘rish imkoniyati 200 metrni tashkil etgan. Moskvadan AFL-1976 qatnovini amalga oshirishi kerak bo‘lgan samolyot soat 03:25 da Sheremetyevo aeroportidan ucha olmagan.
 

Xuddi shunday holat yana ikkita qatnovda kuzatilgan. Jumladan, soat 04:35 dagi SBI6481 Samara–Urganch qatnovi hamda soat 03:30 dagi SVR2473 qatnovi Sankt-Peterburgdan uchib keta olmagan.
 

Samolyotlar ob-havo sharoiti yaxshilangunga qadar Urganch uchish aeroportida qolmoqda.
 

Shu bilan birga, ko‘rish masofasi 200 metr bo‘lgan quyuq tuman Nukus aeroporti faoliyatini ham cheklagan.