Oʻzbekistonda kecha soʻnggi 6 oy ichida ilk bor koronavirusdan oʻlim holati qayd etilmadi. Bu haqida Sogʻliqni saqlash vazirligi Matbuot xizmati xabar bermoqda.

2021-yil 29-dekabr holatiga koʻra, Oʻzbekistonda koronavirus infeksiyasi qayd etilganlar soni 198 769 nafarni tashkil etgan. 29 dekabr kuni 143 nafar kishida koronavirus infeksiyasi qayd etilgan. Eng kam kasallanish Jizzax (2 nafar) va Namangan (2 nafar) viloyatlarida kuzatilgan.

Shuningdek, 29-dekabr holatiga koʻra, kasallikdan sogʻayganlar jami 195840 (+124) nafarga yetib, sogʻayish koʻrsatkichi 98 foizni tashkil etmoqda.