Prezident qaroriga muvofiq Muxammadiyev Aktam Zayniddinovich Adliya vaziri oʻrinbosari etib tayinlandi.

A. Muxammadiyev 1977-yilda Qashqadaryo viloyatining Kitob tumanida tugʻilgan, maʼlumoti oliy, 1999-yilda Toshkent davlat yuridik instituti bakalavriat, 2001-yilda magistratura bosqichini tamomlagan, mutaxassisligi huquqshunos.

A. Muxammadiyev oʻz mehnat faoliyatini 2001-yilda Oʻzbekiston Respublikasi Adliya vazirligining yetakchi maslahatchisi lavozimidan boshlab, vazirlikning turli masʼul lavozimlarida ishlagan.

2017-yildan bugungi kunga qadar Toshkent viloyat adliya boshqarmasi boshligʻi lavozimida faoliyat yuritgan.