Oʻzbekiston Turkiy davlatlar tashkilotiga aʼzo davlatlar bilan birga qoʻshma ilmiy sunʼiy yoʻldosh yaratadi.

“Oʻzbekkosmos” agentligining aerokosmik faoliyatni rivojlantirish boʻlimi boshligʻi Muhiddin Ibrohimovning taʼkidlashicha, agar 2022-yilda zarur koʻnikmalar va bozor yoʻqligi sababli mahalliy sunʼiy yoʻldoshni uchirish gʻoyasi erta boʻlib tuyulgan boʻlsa, endi vaziyat oʻzgardi. Oʻzbekistonda davlat va xususiy sektorni qamrab oluvchi 600 ming kvadrat kilometrdan 1 million kvadrat kilometrgacha boʻlgan sunʼiy yoʻldosh maʼlumotlarini qayta ishlash bozori shakllandi.

Oʻzbekiston sunʼiy yoʻldoshning umumiy loyihaga birlashtiriladigan texnologik qismini yaratishda ishtirok etmoqda. Ishga tushirish 2026-yilning oʻrtalariga moʻljallangan.

Maʼlum boʻlishicha, “Oʻzbekkosmos” Yaponiyaning Kyusyu texnologiya instituti bilan shartnoma tuzgan. Hamkorlik doirasida 2025-yilda Oʻzbekistonning yetti jamoasi oʻz sunʼiy yoʻldoshlarini ishlab chiqish, loyihalash va yigʻishni boshlaydi.